Hindistanda 74 nəfər iğtişaşların qurbanı olub

Hindistanda 74 nəfər iğtişaşların qurbanı olub

Hindistanın şimalındakı Cəmmu və Kəşmir  ştatında iki aydır davam edən iğtişaşlar nəticəsində 74 nəfər ölüb.  

APA-nın “RİA Novosti”yə istinadən verdiyi xəbərə görə, Anantnaq dairəsində aqressiv kütlə polis məntəqəsinə hücum edərək asayiş keşikçilərini daş-qalaq edib. Polis cavabında pnevmatik tüfənglərdən atəş açıb, hücum edənlərdən biri başından aldığı ağır xəsarətdən keçinib. Polisin məlumatına görə, iyulun əvvəlindən davam edən iğtişaşlar nəticəsində, ümumilikdə, 74 nəfər ölüb.

Qeyd edək ki, iyulun 8-də “Hizbül-Mücəhiddin” separatçı qruplaşmasının liderlərindən biri olan Bürhan Müzəffər Vaninin Hindistan polisi tərəfindən öldürülməsi kütləvi iğtişaşlara səbəb olub. Hindistan hakimiyyəti iğtişaş  təşkilatçılarının qonşu Pakistan tərəfindən dəstək aldığını iddia edir.  

0
3