Kriminal avtoritet “Şakro Molodoy”un tərəfdaşları həbs edildi

Kriminal avtoritet “Şakro Molodoy”un tərəfdaşları həbs edildi

Z.Kalaşovun həbsindən sonra Rusiya İstintaq Komitəsinin bir sıra yüksək vəzifəli şəxsləri də həbs olunub.

Rusiya kriminal aləminin lideri “Şakro Molodoy” ləqəbli Zaxari Kalaşovun rəhbərlik etdiyi cinayətkar dəstənin üzvləri yaxalanıb.

Oxu.Az APA-ya istinadən xəbər verir ki, paytaxtın Baş Cinayət Axtarış İdarəsinin əməkdaşları quldurluqda təqsirləndirilən mütəşəkkil cinayətkar qrupun üzvlərini zərərsizləşdiriblər.

Rusiya Daxili İşlər Nazirliyinin xüsusi nümayəndəsi İrina Volk saxlanılan şəxslərin kriminal avtoritet Zaxari Kalaşovun tapşırıqlarını yerinə yetirdiyini bildirib.

“Rusiya DİN-in Moskva şəhəri üzrə Baş İdarəsinin “SOBR” xüsusi təyinatlı dəstəsinin birgə keçirdyi əməliyyat nəticəsində mütəşəkkil cinayətkar qrup zərərsizləşdirilib. Müəyyən olunub ki, saxlanılan şəxslər kriminal avtoritet “Şakro Molodoy” ləqəbli Zaxari Kalaşovun adından istifadə edərək fəaliyyət göstəriblər. Onlar sahibkarlara fiziki təzyiqlər göstərərək milyonlarla rubl məbləğində vəsait tələb ediblər”.

Z.Kalaşovun həbsindən sonra Rusiya Federal Təhlükəsizlik Xidmətinin keçirdiyi əməliyyat nəticəsində Rusiya İstintaq Komitəsinin bir sıra yüksək vəzifəli şəxsləri də həbs olunub. Onlar “Şakro Molodoy”dan rüşvət almaqda və onun dəstəsinin cinayətlərini ört-basdır etmək günahlandırılır.

0
14