Rusiya Ukrayna ilə diplomatik əlaqələri kəsə bilər

Rusiya Ukrayna ilə diplomatik əlaqələri kəsə bilər

“Moskva Ukrayna kəşfiyyatının Krımda təxribat cəhdinə cavab olaraq iki ölkə arasında diplomatik münasibətləri pozmaq variantını nəzərdən keçirir”.

APA-nın məlumatına görə, bu barədə “İzvestiya” qəzeti Rusiya xarici siyasət idarəsindən olan mənbəyə istinadən yazıb.

Belə ki, rəsmi Moskva Kiyevdəki səfirliyini bağlaya və bütün diplomatları geri çağıra bilər.

Qeyd edək ki, bir neçə gün əvvəl Rusiya Federal Təhlükəsizlik Xidməti Ukrayna Müdafiə Nazirliyi kəşfiyyatının Krımda təxribat törətmək cəhdi barədə məlumat yayıb. Cəhdin qarşısı alınarkən iki rusiyalı hərbçinin öldüyü bildirilir.

Xatırladaq ki, Rusiyanın maraqlarını Ukraynada müvəqqəti işlər vəkili Sergey Toropov təmsil edir.

0
6