İranda “Aşıq Abbas Tufarqanlı” beynəlxalq festivalı təşkil olunacaq

İranda “Aşıq Abbas Tufarqanlı” beynəlxalq festivalı təşkil olunacaq

Tehranda İran Aşıqlar Birliyinin mərkəzində “Aşıq Abbas Tufarqanlı” beynəlxalq festivalına hazırlıqla bağlı iclas keçirilib.

Oxu.Az TRT-Azərbaycan-a istinadən xəbər verir ki, tədbirdə festivala hazırlıqla bağlı mütəxəssislərin təklif və tövsiyələri dinlənilib, fikir mübadiləsi aparılıb.

İran Aşıqlar Birliyinin sədri, aşıq Səlcuq Şahbazi hazırlıq prosesi başa çatandan sonra festivalın dəqiq tarixinin elan ediləcəyini bildirib.

Qeyd edək ki, Aşıq Abbas Tufarqanlı İranın Şərqi Azərbaycan əyalətinin Tufarqan, yəni indiki Azərşəhr bölgəsində anadan olub. Şeirlərində “Qul”, “Şikəstə”, “Bikəs” təxəllüslərini işlədən Abbas Tufarqanlı XVI əsrin sonları-XVII əsrin əvvəllərində Azərbaycan torpağında yaşayıb-yaratmış görkəmli şair-aşıqlardandır.

Onun adı ilə bağlı olan “Abbas və Gülgəz” dastanı Azərbaycan folklorunun qiymətli örnəklərindəndir.

A.S.

0
24