Şirvan sakinini döyüb avtomobilini qaçırtdılar

Şirvan sakinini döyüb avtomobilini qaçırtdılar

Polis hadisə ilə bağlı əməliyyat keçirib.

Şirvan şəhər sakini döyülərək avtomaşını əlindən alınıb.

Daxili İşlər Nazirliyinin mətbuat xidmətindən Oxu.Az-a verilən məlumata görə, avqustun 3-də Bakı şəhərində naməlum şəxs Şirvan şəhər sakini İlqar Xankişiyevin idarə etdiyi “Lada Priora” markalı avtomobilə sərnişin qismində oturub Salyan rayonuna gedəcəyini bildirib.

Həmin şəxs rayonun Sarıcalı kəndində İlqar Xankişiyevi döyərək avtomobildən düşürüb və həmin nəqliyyat vasitəsində hadisə yerini tərk edib.

Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Şirvan şəhər sakini Rəfayel Abbasov şəhər ərazisində tutulub və avtomobil sahibinə qaytarılıb.

0
12